Բարև հարգելի այցելու:
2012թ. սեպտեմբերից սկսեցի աշխատել Բերդի արհեստագործական պետական ուսումնարանում, որպես <<Համակարգիչների շահագործում>> խմբի արտադրական ուսուցման վարպետ: Ես աշխատում եմ մոդուլային ուսուցման մեթոդով, համաձայն որի դասախոսը պետք է կազմի դասը և դասավանդի իր կազմածի հիման վրա, այլ ոչ թե օգտվի կոնկրետ դասագրքից: Համացանցում շատ փնտրեցի ինձ անհարժեշտ նյութերը հայերեն լեզվով բայց հիմնական մասը իհարկե չգտա: Մեկ տարի աշխատելով կազմեցի դասավանդման նյութ ուսանողներիս համար: Ես չէի էլ մտածել այն հրապարակելու մասին, մինչև մի օր իմ աշակերտներից մեկը առաջարկեց ինձ իր համար անցկացնել on-line դասեր: Դրանից հետո ես որոշեցի հրապարակեմ այս կայքում իմ պատրաստած դասերը, որոնք կարող են պետք գալ ուսանողներին, դպրոցականներին, այն մարդկանց ովքեր ուզում են սովորեն համակարգչից օգտվել կամ ուղղակի ինձ նման հայերեն նյութեր փնտրողներին: Հույս ունեմ, որ իմ կայքի այցելուները կգտնեն իրենց հարցերի պատասխանները:
