Դաս 2. Տեղեկատվության հատկությունները և պահպանումը
Տեղեկատվությունը բնութագրող հատկություններն են նրա հասկանալի, արդիական, ամբողջական, ստույգ և օգտակար լինելը:
Հասկանալի: Տեղեկատվությունը հասկանալի է, եթե ներկայացված է ընդունիչի համար ընկալելի տեսքով:
Արդիական: Տեղեկատվությունը արդիական է, եթե տվյալ պահին ընդունիչը կարող է այն գործածել նպատակաուղղված ձևով:
Ամբողջական, ստույգ, օգտակար: Տեղեկատվությունը ընդունիչի որոշակի նպատակի համար ամբողջական, ստույգ և օգտակար է, եթե բավարար է ընդունիչի կողմից համապատասխան որոշումներ կայացնելու համար:
Տեղեկատվության պահպանումը
Մեզանից յուրաքանչյուրը իր հիշողության մեջ պահպանում է որոշակի տեղեկատվության՝
տան հասցեն, ընկերների անունները, հասցեներն ու հեռախոսահամարները, բազմապատկման աղյուսակը,
ուղղագրական հիմնական կանոնները և այն գիտելիքները, որոնք ստացել ենք դպրոցում: Բայց
մարդն ընդունակ չէ իր հիշողության մեջ պահպանելու տեղեկատվության մեծ ծավալներ: Հաճախ
տեղեկատվությունը պահպանելու համար օգտագործում ենք նոթատետր, տեղեկատու ձեռնարկներ,
հանրագիտարան և այլն: Հնում տեղեկատվությունը տարբեր կերպ էր պահպանվում:
Լուսանկարչությունը, որը հայտնագործվել է 1839թ, հնարավորություն տվեց սերունդների համար պահպանելու մարդկանց դեմքերը, բնապատկերները, բնության երևույթները:
Սկզբնական տեղեկատվություն մարդիկ պահպանում էին քարերի վրա (սեպագիր արձանագրություն), սակայն քարի հետ աշխատելը դժվար էր: Եգիպտոսում պապիրուս կոչվող եղեգից սկսեցին թուղթ պատրաստել, որը անվանում էին պապիրուս և օգտագրծել տեղեկատվության պահպանման համար:
Տեղեկատվություն պահպանում էին նաև մագաղաթե թերթերի վրա, որոնք պատրաստվում
էին հորթի կաշվից:
Ներկայումս տեղեկատվության պահպանման միջոցները տարբեր են՝ թուղթ, սկավառակներ,
ձայնագրություններ, լուսանկարներ և այլն:
| 
